شاعرك يا بنت خبلٍ ما يهاب !!!

[أنقل لكم هذه القصيده من أختياري
عسى أن تحوز على رضاكم


لو حسبت لقول عذالي حساب
ما نبت عشبٍ ولا هبت هبوب


والله أني ما تجنبت الصواب
ولا سمعت لهرجة النذل الكذوب


شاعرك يا بنت خبلٍ ما يهاب
ولا يرد ولا يشك ولا يتوب


به جميع الأسئله تلقى جواب
من شمال الجرح للجرح الجنوب


به وقار الشيب به طيش الشباب
به حلا التوبه وبه مر الذنوب


لا كتب تصهل مجاهيم السحاب
ولا قراء يهتز له نخلٍ طروب


وأشهد أنه منك يكفيه العتاب
وأشهد أنه فيك راضي ومغصوب


ومن يغص بلقمةٍ يلقى شراب
ومن تعرى تستره غتره وثوب


(( وعاذلي وأن حكى فيني وعاب
آدمي يابنت وأبن آدم عيوب )) !

الشاعر
طلال حمزه
تحياتي

رائعه رائعه بروعة ذوقك ياذووق